‘Boer soek ’n Vrou’: Ontmoet die 10 nuwe boere!

Die aftel na die volgende seisoen van een van Suid-Afrika se gewildste werklikheidsreekse skop Sondag (27 Oktober) om 20:00 af wanneer kykNET die tien boere vir die 17de seisoen van Boer soek ’n vrou bekendstel.

'); googletag.cmd.push(function() { googletag.display('dfp-300x250-1'); }); document.write(''); }

Vanjaar se oes van deelnemers se ouderdomme wissel tussen 26 en 56, en die boere verteenwoordig ses provinsies met die Vrystaat wat die voortou met drie hubare boere neem.

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Reandi Grey, wat pas aangekondig is as die sewende aanbieder van Boer soek ’n vrou, het reeds met die nuwe boere kennis gemaak en sy is baie opgewonde om hulle bekend te stel.

“Elke liewe een van hierdie boere is volronde mense met soveel emosie en soveel liefde,” sê sy.

'); googletag.cmd.push(function() { googletag.display('dfp-300x250-3'); }); document.write(''); }

“Hierdie gaan ’n onvergeetlike seisoen wees en Suid-Afrikaners gaan aan hulle lippe hang.”

Lees ook: ‘Boer soek ’n vrou’: Marciel se opvolger is...

Die reeks sal van Augustus 2025 op kykNET uitgesaai word. Kykers sal dan die boere se liefdesreis kan volg en oudergewoonte sal dit fokus op die vyf boere wat die meeste briewe ontvang het.

Diegene wat vir een van die top-tien boere ’n brief wil skryf moet ouer as 21 wees en ongetroud, geskei of ’n weduwee/wewenaar wees.

Persone wat die boere beter wil leer ken, kan om 20:00 op kykNET (kanaal 144 op DStv) inskakel. Die boere se profiele en meer inligting oor die reeks sal ook dan op www.kyknet.tv gedeel word.

Oudergewoonte sal voornemende pasmaats vir die boere briewe kan skryf of hul belangstelling vir die boere op die gewilde Afrikaanse maatsoek-app KOER kan wys.

2025 se boere  is:

Nicolaas (37), skaap- en saaiboer van Bredasdorp, Wes-Kaap

Rudi H (56), boerbokboer van Windsorton, Noord-Kaap

Lourie (26), beesboer van Vryburg, Noordwes

Rudi (47), toerisme en wildboer van Beestekraal, Noordwes

Evert (38), makadamia-, sitrus- en wildboer van Tshipise, Limpopo

Willie (26), makadamia- en wildboer van Badplaas, Mpumalanga

Reinier (29), saai-, bees- en skaapboer van Frankfort, Vrystaat

Ruan (30), Skaap-, bees- en saaiboer van Tweespruit, Vrystaat

Christof (38), turksvy- en soutboer van Petrusburg, Vrystaat

Pieter (29), skaapboer van Richmond, Noord-Kaap

Lees ook: KYK: Verna-lee en Manie Libbok deel troufoto’s