Die geliefde paartjie het vanoggend se sonsopkoms anders as gewoonlik ervaar. Op sy plaas in Willowmore het Hennie vir Jacobu gevra om te trou – op die einste berg waarheen hy haar die eerste keer geneem het. Hy het hierdie foto op Instagram gedeel:
Volgens kykNET was Jacobu baie verras:
“Dit was vir haar ’n groot verrassing,” sê Hennie. “Ek het ’n piekniek gepak en koffie en vir haar ’n bos rooi rose gegee. Sy hou nie van rooi rose nie, en ek moet iewers darem ’n bietjie haar been trek!”
Die juwelier, Garnet Visagie van GEV Jewelry, het Jacoba se mooi roosgoud ring ontwerp.
kykNET het dié foto van die ring vanoggend op Instagram gedeel:
“Jacobu beteken die wêreld vir my. Ek het die jackpot geslaan. Ons storie is hopelik ’n storie van hoop vir mense. Daar is soveel lelik wat in die wêreld aangaan, maar ’n mens kan liefde vind.”
Hennie het aan die negende seisoen van Boer Soek ’n Vrou deelgeneem. Die liefde tussen hom en Jacobu het eers vlamgevat ná afloop van dié gewilde reeks. Hulle het mekaar tydens die reünie gevind. Lees meer oor die sprokiesverhaal op kykNET se webblad
