Laekoolhidraat-rolletjies
• 150 g amandelmeel
• 40 g fyn gemaalde psyllium husks (dop), koop gemaal, of maal in ’n koffiemeule
• 60 g klappermeel
• 75 g gemaalde vlassaad (flaxseed) fyn gemaal met ’n koffiemeule
• 10 ml (2 t) kremetart
• 5 ml (1 t) koeksoda
• 5 ml (1 t) sout
• 6 eierwitte
• 2 eiers
• 500 ml (2 k) kookwater
• 80 ml (? k) sesamsaad
Frikkadelle
• 30 ml gemaalde psyllium husks
• 125 ml (½ k) volroomjogurt
• ’n bietjie volroommelk
• 10 ml (2 t) mosterdpoeier
• 10 ml (2 t) fyn gekapte knoffel
• gerasperde skil van
1 suurlemoen
• 2 kg beesmaalvleis
• 1 skyf fetakaas, gekrummel
• 60 ml (¼ k) olyfolie
Broodjies
1 Verhit die oond tot 175 °C.
2 Voer ’n bakplaat met bak-papier uit.
3 Meng al die droë bestanddele in ’n groot mengbak.
4 Klits die eiers tot skuimerig en voeg die eier by die droë bestanddele. Voeg die kookwater by en meng. Laat die mengsel effens afkoel.
5 Verdeel die mengsel in 8 en maak rolletjies met jou hande.
6 Sit op die bakplaat, strooi sesamsaad oor en bak vir 45 min. of tot goudkleurig en gaar.
Frikkadelle
1 Meng al die bestanddele behalwe die olyfolie in ’n groot mengbak. Geur met sout.
2 Maak frikkadelle die grootte van tennisballe. Druk plat en smeer alkant met olyfolie. Braai vir 12 min. aan elke kant, of tot gaar.
3 Sit voor op die broodrolletjies met slaaiblare, gesnyde tamaties, rooi-ui en avokado.
