Beskerm jou tuin teen wind en weer

Versterk jong bome
Maak jong boompies windbestand deur dit met vier metaalpenne te anker. Plaas ’n pen op elke kompasrigting om die boom en bind dit met nylontou aan die boom se stam vas. Só sal die boompie van alle windrigtings af beskerm wees.

'); googletag.cmd.push(function() { googletag.display('dfp-300x250-1'); }); document.write(''); }

Wenk: Gebruik nylontou om die boom te sekuur eerder as ’n bioafbreekbare-variasie, om sodoende te verseker dat jou tou nie sy stewigheid in die swaar weer verloor nie.

'); googletag.cmd.push(function() { googletag.display('dfp-300x250-6'); }); document.write(''); }

Keer dat jou groentetuin wegspoel
Keer dat swaar reën die grond in jou groentetuin kompakteer en dat waterpoele om die plante vorm deur ’n deklaag in jou groentetuin te plaas. Jy kan doodgewone strooi hiervoor gebruik: plaas ’n dik laag daarvan onder en om jou groente en siedaar! Jou oes sal niks oorkom nie.

'); googletag.cmd.push(function() { googletag.display('dfp-300x250-2'); }); document.write(''); }

Wenk: Vars strooi mag dalk onkruidsaadjies bevat wat later ongewenste indringers in jou groentetuin kan laat voorkom. Besoek jou plaaslike kwekery om ’n alternatiewe deklaag vir jou groentetuin te kry.

Wees haelbestand
Bedek plante wat teen ’n heining of muur groei met karton om sodoende haelskade te minimaliseer. Plaas die karton skuins teen die heining/muur om ’n dak te vorm en pak klippe of bakstene om die voet van die dak om dit in plek te hou.

'); googletag.cmd.push(function() { googletag.display('dfp-300x250-3'); }); document.write(''); }

Wenk: As daar nie ’n heining of muur naby jou plante is nie kan jy twee stukke karton gebruik en dit in die vorm van ’n wigwam oor jou plante sit.

Kyk na jou potplante
Beskerm jou potplante teen hael, sterk winde en swaar reën deur plastiekemmers om te keer en onderstebo oor jou plante te plaas. Doen dit net voordat die storm begin opsteek.

Wenk: Dit is ’n uitstekende manier om potplante op balkonne te beskerm!

Maak ’n tent vir jou grondbedekkings
Gebruik ’n rol plastiek om klein plante wat laag groei te beskerm. Plaas ’n metaal penaan weerskante van jou ry plante en span ’n tou tussen dié twee. Drapeer dan die plastiek op hierdie tou om die plategroei meer beskut te maak.

Wenk: Moet nie die plastiek te naby aan die plante drapeer nie, laat dit effens hoër hang sodat die plante steeds kan asemhaal.

Lees ook: Skep ’n voëlvriendelike tuin