Marciel Hopkins word 'n mamma +4 ander bekendes wat vanjaar babas verwag!

Hooffoto: Instagram/Marciel Hopkins/May Photography

Die gewilde TV-aanbieder en model, Marciel Hopkins, het gister met haar Instagram-volgelinge gedeel dat sy en manlief, Handrè Lourens, hul eersteling verwag.

Volgens die voormalige Boer soek ‘n vrou-aanbieder se plasing sal Baba Hopkins-Lourens in Junie by hul gesin aansluit.

“Die Here het só duidelik met my hart gepraat oor die volgende seisoen van my lewe, so ons het groot gedroom oor hierdie baba-blessing en is gereed vir die avontuur van ‘n leeftyd wat voorlê,” skryf sy.

View this post on Instagram

A post shared by Marciel Hopkins-Lourens (@marcielhopkins)

Lees ook: Greteli de Swardt ‘Jubel’ oor tweede kind se koms

Hierdie Suid-Afrikaanse bekendes verwag ook pienkvoete in 2025:

Bernice West

Die sangeres Bernice West en haar man, Jannes Erasmus, verwag hul eerste klein lyfie, ‘n dogtertjie in Januarie vanjaar. Die paartjie het die opwindende nuus op Instagram gedeel deur aanhangers met ‘n ‘nuwe liedjie’ te verras wat toe al die tyd hul swangerskap-aankondiging is.

View this post on Instagram

A post shared by b e r n i c e (@bernicewest_)

Melinda Bam

Melinda Bam, Mej. Suid-Afrika 2011, en haar man Adriaan Bergh, Mnr. Suid-Afrika 2011, verwag hul tweede kind, ‘n dogtertjie in Januarie vanjaar. Die egpaar het die nuus met hul volgelinge in ‘n stylvolle foto op Byblos Beach in St. Tropez, Frankryk gedeel. Hul eerste kind, Ruach, is op 10 Maart 2023 gebore.

View this post on Instagram

A post shared by melindabam (@melindabam)

Tamaryn Green-Nxumalo

Dokter Tamaryn Green-Nxumalo, ook ‘n voormalige Mej. Suid-Afrika, “kon nie vir ‘n beter geskenk op haar 30ste verjaardag gevra het nie.” Sy en haar man, Ze Ndwandwe Nxumalo, het verlede jaar hul baba-nuus in ‘n hartroerende video op sosiale media gedeel. Hul verwag ‘n dogtertjie.

View this post on Instagram

A post shared by Dr Tamaryn Green Nxumalo (@tamaryngreen)

Simoné Pretorius

Die 34-jarige aktrise is weer swanger, en in die wolke daaroor! Sy het November die opwindende nuus op Instagram gedeel en geskryf, “Een laaste rodeo.” Sy en haar man, Andries is reeds ouers van ‘n dogtertjie, Harper (3) en ‘n seuntjie, James wat amper ‘n jaar oud is. Die derde Pretorius-pienkvoet, ‘n dogtertjie maak in Mei haar opwagting.