Basiese soutdeeg vir pasteie

08/11/2024

~

’n Basiese resep vir soutdeeg. Gebruik dit vir terte, pasteie en quiches. Onthou, dit is belangrik dat die deeg heeltyd koel bly sodat die botter nie smelt en die deeg onhanteerbaar raak nie. Sit in die yskas voor jy begin bak. Resep deur Vickie de Beer

Genoeg vir 1 groot tert of 6 kleintjies.

Bestanddele

500 ml (2 k) koekmeel
250 ml (1 k) sagte botter
125 ml (½ k) suurroom
5 ml (1 t) sout

Metode

Meng al die bestanddele en knie liggies tot ’n sagte deeg vorm. Verwerk dit andersins in ’n voedselverwerker tot die deeg bymekaarkom.
Verdeel die deeg in twee dele en druk die deeg effens platter (dit help met die uitrolslag). Laat rus vir minstens 30 min. in die yskas.