Ateljeenessies - hoe om die meeste uit jou klein spasie te kry

Ateljeenessies – hoe om die meeste uit jou klein spasie te kry deur Cornél Dunn. Hooffoto Pixabay

Al hoe meer mense trek in kleiner woonplekkies in en die ateljee-woonplek is geen uitsondering nie. Ons het 9 slim wenke gekry hoe om die meeste te maak van ateljeenessies.

1. Bring die drama!

Jou blyplek is dalk klein, maar dit hoef nie vervelig te wees nie. ’n Goeie skildery of meubelstuk kan die oog van die klein ruimte weglei.

Lees ook: Maak die meeste van klein leefspasies

2. Skei jou bed van die res van die vertrek

Wie wil sy bed in die middel van die vertrek hê? Skep skeiding met skerms of boekrakke.

Lees ook: Die beste raad vir ’n klein blyplekkie

3. Ontklotter

Een manier om jou ateljeeblyplek groter te laat lyk is om van klotter ontslae te raak. Dit sluit tydskrifte, pos en oortollige koffiekoppies in. Kry ook ’n bêreplek vir jou broodrooster, potte en panne.

Lees ook: Jy kan ’n klottervrye huis hê!

4. Kry hoogte met gordyne

Hoë plafonne is nie altyd haalbaar in ’n ateljee nie, maar jy kan dit “skep” deur die gordyne so na moontlik aan die plafon te hang.

5. Skep afsonderlike dele

Jou woonkamer is dalk ook jou slaapkamer, maar jy kan die dele met los matte afmerk.

6. Skep ’n eethoekie

Daar is verskeie meubels vir klein eethoekies beskikbaar. ‘n Toonbank neem baie plek in beslag, so oorweeg ander opsies, soos ’n tafeltjie met stoele.

Lees ook: Die jongste kombuistendense waarvan jy nou moet weet