Genoeg vir 24
Die versiering word met eierwitte gemaak en is lig en donsig soos malvalekkers.
Amandelkolwyntjies
Serves: 24
Nutrition facts:
200 calories
20 grams fat
Ingredients
- 190 g botter
- 180 ml (¾ k) strooisuiker
- 2,5 ml (½ t) vanieljegeursel
- 3 eiers
- 250 ml (1 k) koekmeel
- 7,5 ml (1½ e) bakpoeier
- 125 ml (½ k) amandelmeel
- Versiering
- 250 ml strooisuiker
- 60 ml (¼ k) water
- 1,5 ml (¼ t) kremetart
- 5 ml (1 t) rooswater
- 3 eierwitte
- 2 druppels pienk voedselkleursel
- Voorverhit die oond tot 160 °C.
Instructions
Spuit twee muffinpannetjies met kleefwerende kossproei.
- Klits die botter, suiker en vanieljegeursel in ’n groot mengbak tot lig en romerig.
- Voeg die eiers een vir een by en klits goed ná elke byvoeging.
- Sif die meel en bakpoeier saam en voeg by die bottermengsel. Vou die amandelmeel in. Skep die mengsel in die muffinpannetjies.
- Bak vir 15 - 20 min. of tot goudbruin. Laat op ’n draadrakkie afkoel.
Versiering
- Verhit die suiker, water en kremetart oor hoë hitte in ’n klein kastrolletjie. Hou aan roer tot alles gesmelt is. Laat die stroop vir 3 min. kook sonder om dit te roer.
- Klits intussen die eierwitte tot sagtepuntstadium. Voeg die stroop in ’n dun straaljie by terwyl jy aanhoudend klits. Hou aan klits tot die eierwitte lig en blink is. Voeg die pienk voedselkleursel by.
- Gebruik ’n paletmes om die versiering op die kolwyntjies te skep. Versier met vars blomme of handgemaakte versiersuikerblommetjies.
Rooi Rose
Lees Meer
Skuinskoek
28/03/2025
Geurige groente-lasagne in ’n pan
28/03/2025
Vinnige Peppermint Crisp-tert
28/03/2025