Ons word oor en oor uit die veld geslaan oor die toertjies wat verskillende honde aangeleer het – van honde wat deur hoepels spring tot honde wat balle op hulle snoete balanseer. Skouhonde is veral bekend vir die verskeidenheid toertjies wat hulle uitvoer, selfs onder die druk van kwaai beoordelaars.
In Brittanje veral word hondeskoue baie ernstig opgeneem. Honde en hul eienaars berei jare lank voor om in een van dié kompetisies deel te neem. Maar een baie oulike en eksentrieke Jack Russel wat aan die Crufts Dog Show se “Rescue Dog Agility”-skou deelgeneem het, het besluit hy gaan dit nie te ernstig opneem nie. Hy het besluit om eerder die tyd van sy lewe te hê!
So het die Jack Russel, met die naam van Ollie, nie net die beoordelaars en toeskouers se harte gewen nie, maar ook dié van miljoene mense regoor die wêreld. Ollie se video is al meer as sewe miljoen keer op YouTube gekyk.
Aan die begin van die video probeer Ollie om oor een van die struikelblokke te spring, maar hy spring veels te vroeg en land plat op sy gesiggie. Dit het natuurlik geen effek op se opgewondenheid nie en hy staan net daar op en hardloop verder. Op kere hardloop hy totaal en al in die verkeerde rigting, gaan groet die toeskouers en gaan kyk sommer ook wat alles in die hoek aangaan.
Alhoewel Ollie waarskynlik nie binnekort ’n skou gaan wen en met ’n blou lint huis toe gaan nie, het hy beslis ons harte gewen.
Kyk gerus na Ollie se oulike optrede hier:
Lees Meer
