Alles-in-een-leer

Benodighede

'); googletag.cmd.push(function() { googletag.display('dfp-300x250-1'); }); document.write(''); }

• Veselbord (hardboard)
• Saag
• Swartbordverf
• Lint of tou
• Paneelspykers
• Hamer
• Seildoek
• Leer vir omboorsel
• Leermasjiennaalde en -gare

Maak so vir die swartbord en organiseerder

1 Meet aan die agterkant van die leer die grootte van die opening waar die bord moet kom.
2 Merk die grootte op die veselbord en saag uit.
3 Verf die voorkant van die bord met swartbordverf, laat droog word en verf ’n tweede laag.
4 Heg die punt van die lint of tou aan die onderkant van ’n sport met ’n spykertjie, gom- of kramgeweer. Draai die lint of tou verskeie kere om die sporte en heg die los punt op dieselfde wyse.
5 Sit die leer plat op die grond met die agterkant na bo, plaas die swartbord in posisie en kap met paneelspykers vas.

'); googletag.cmd.push(function() { googletag.display('dfp-300x250-6'); }); document.write(''); }

Maak so vir die sakkie

1 Sny ’n reghoek van 30 cm x 20 cm uit die seildoek.
2 Sny twee stukkies leer van 20 cm x 3 cm vir die omboorsels en kap elke kort sy om met die leer.
3 Vou regte kante op mekaar in die helfte met die kort sye op mekaar. Sny ’n keep van 2 cm x 2 cm op elke hoek van die voulyn.
4 Stik die sye aanmekaar met ’n 5 mm-naattoelating.
5 Bring die voulyn en die naat na mekaar op een van die oopgesnyde hoekies, druk die opening toe, ryg en werk vas. Doen dieselfde met die ander hoek.
6 Keer die sakkie uit en druk die hoeke met ’n skêr se punt uit.
7 Kap die sakkie met paneelspykers op die verlangde posisie aan die leer vas.

'); googletag.cmd.push(function() { googletag.display('dfp-300x250-2'); }); document.write(''); }