Alan Paton met ’n google doodle herdenk

Die soekenjin google herdenk vandag die lewe van die Suid-Afrikaanse skrywer, Alan Paton, met ’n illustrasie (ook bekend as ’n google doodle) op hul tuisblad. Paton sou vandag 115 jaar oud word, en volgens google se doodle-blad is Paton gekies om herdenk te word omdat hy ’n “dromer” was “wat veel vermag het om te veg vir die basiese menseregte van liefde, nie-gewelddadigheid en gelykwaardighed.”

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Alan Paton is op 11 Januarie 1903 in Pietermaritzburg, KwaZulu-Natal gebore. Hy het ’n graad in wetenskap en daarna in onderwys opgedoen en hy het skoolgegee. Paton het later gewerk as die hoof van ’n gevangenis vir jong swart mans waar hy verskeie veranderings aangebring het om die lewenskwaliteit van die gevangenes te verbeter. Hy was van jongs af gekant teen swaar strafopleggings en onregverdigheid. In die 1940’s, na die Tweede Wêreldoorlog, het hy deur Europa en die VSA gereis om te sien hoe ander korreksionele fasiliteite bestuur word. Dit is tydens hierdie reise dat hy met die idee en manuskrip van sy roman Cry, the Beloved Country opgekom het. Dit is in 1948 uitgegee; dieselfde jaar waarin die Apartheidswette amptelik ingestel is waarteen hy sy lewe lank probeer veg het. Paton het daarna baie boeke en verhale geskryf wat meestal gehandel het oor Suid-Afrika tydens die Apartheidsjare en ras-diskriminasie en watter effek dit op die land se inwoners het. Paton het ook die Apartheid-regering en hul besluite teengestaan en het geveg vir gelykheid en vryheid vir alle Suid-Afrikaners. Hy het die Liberale Party – as opposisie vir die Nasionale Party – gestig, maar dit moes later tot niet gemaak word omdat hierdie party wit en swart lede ingesluit het. Hy het nietemin aangehou met ander politiese werk en om maatskaplike kwessies uit te lig in sy skryfwerk. Paton is in 1988 aan kanker oorlede en kon dus nooit sy droom vir ’n samelewing sonder Apartheid sien waar word nie.

'); googletag.cmd.push(function() { googletag.display('dfp-300x250-2'); }); document.write(''); } '); }