Aarbei-teebroodjie met suurlemoenversiersel

Genoeg vir 2 middelslag-broodjies of 6 klein broodjies in klein broodpannetjies.

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Ons het klein broodpannetjies in die supermark opgespoor en ons broodjies daarin gebak. Koop klaarbereide versiersuikerblommetjies by spesialiteitsbak-winkels of tuisnywerhede. Jy kan ook delikate, handgemaakte blommetjies by ’n koekversieringsgilde bestel om jou teekoekies te verfraai.

'); googletag.cmd.push(function() { googletag.display('dfp-300x250-2'); }); document.write(''); }

Bestanddele

'); googletag.cmd.push(function() { googletag.display('dfp-300x250-3'); }); document.write(''); }

• 250 ml (1 k) sonneblomolie
• 375 ml (1½ k) strooisuiker
• 2 eiers
• 250 ml (1 k) aarbeijogurt
• sap en skil van 2 suurlemoene
• 500 ml (2 k) bruismeel, gesif

Versiering

• 125 ml (½ k) suurlemoensap
• 250 ml (1 k) versiersuiker, gesif

Metode

Voorverhit die oond tot 160°C. Spuit 6 klein broodpannetjies of 12 muffinpannetjies met kleefwerende kossproei.

1. Klits die sonneblomolie en suiker saam. Voeg die eiers by en klits tot lig en romerig.
2. Roer die jogurt, suurlemoensap en skil by. Sif die meel en vou by die mengsel in.
3. Skep die beslag in die voorbereide pannetjies en bak vir 20 min. tot goudbruin. Haal uit en laat op ’n draadrakkie afkoel.

Versiering

1. Meng die suurlemoensap en versiersuiker en skep oor die broodjie.
2. Pak die versiersuikerblommetjies op die broodjies voordat die suurlemoenversiersel heeltemal set.