1. Los die sauna ’n Baie warm bad en saunas verhoog die temperatuur van die testikels soveel dat die sperme kan beskadig en vrugbaarheid verminder. ’n Louwarm bad of stort is meer in lyn met babaplanne.
2. Vra vir bokserbroekies vir kersfees Ja, jou broeke maak saak. Sperme verkies ’n temperatuur effens koeler as jyself. Jou liggaam reguleer die temperatuur van jou testes deur dit effens te laat uitsak op warm dae en dit nader aan die lyf te trek op koeler dae. Stywe onderklere en skinnies dwing egter die testikels heeltyd teen die lyf en keer hierdie natuurlike afkoelmeganisme, tot nadeel van jou sperme en jul swangerskapsukses.
3. Die werkfaktor Jou werk kan jou vrugbaarheid beïnvloed, soos trokbestuurders wat lang ure aaneen sit en ‘broei’ en sweisers wat in warm omstandighede werk.
4. Die stookfaktor Jy rook jou sperme dood en/of flou. Rokers vorm minder en boonop swakker sperme.
Lees ook: Swanger bo 40
