Teeterapie

Ingredients

Hibiskus-ystee
Genoeg vir 500 ml
Hibiskus is propvol vitamien C en kan ook help om bloeddruk te verlaag.
• 3 hibiskus-teesakkies
• handjie vol goji-bessies
• handjie vol droë roosblare of -knoppies
• 30 ml heuning
Helende Rooibos-ystee
Genoeg vir 500 ml
Rooibos het kankerwerende eienskappe en gemmer werk ontsteking teë. Kaneel beveg virusse en verlaag cholesterol. Drink die sappie sommer elke oggend.
• 3 cm-gemmer, geskil en gesny
• 2 kaneelstokkies
• 30 ml heuning
• 4 sakkies rooibos
• 1 lemoen, in dun skywe gesny
Kalmerende kamille-ystee
Genoeg vir 500 ml
Kamille is anti-bakteries en maak jou rustig. Dit is ook goed vir jou spysverteringstelsel. Drink dit saans ná ete en net voor slaaptyd.
• 2 droë aloe vera-blare
• 1 sitroengrasstingel, middeldeur gesny
• 3 sakkies kamilletee
• 1 lemmetjie, in skywe gesny
• handjie vol kruisementblare

Instructions

Hibiskus-ystee

1 Sit die tee, bessies, blare en heuning in ’n teepot en gooi 500 ml kokende water oor.
2 Laat trek en afkoel. Gooi in ’n digsluitende beker en sit vir 2 uur in die yskas.
3 Skink in ’n glas vol fyn gekapte ys.

Helende Rooibos-ystee

1 Sit die gemmer, kaneel, heuning, rooibos en lemoen in ’n teepot en gooi 500 ml kokende water oor.
2 Laat trek en afkoel. Sit vir 2 uur of oornag in die yskas.
3 Sit voor met fyn gekapte ys.

Kalmerende kamille-ystee

1 Sit die aloe vera, sitroengras, kamilletee, lemmetjies en kruisement in ’n teepot en gooi 500 ml kokende water oor.
2 Laat trek en afkoel.
3 Sit vir 2 uur of oornag in die yskas.
4 Sit voor met fyn gekapte ys.

health resepte kruie tee medisyne leef gesond recipes

Rooi Rose

Lees Meer

Bruintjies in ’n eiertjie

14/04/2025

Bruintjie-kolwyntjies

10/04/2025

Romerige hoenderlasagne

09/04/2025