Wat is kaviaar?
As dit by weelderige kos kom, is kaviaar sekerlik boaan die lys. Hierdie luukse lekkerny is die eiers van ’n steurvis (sturgeon).
Connoisseurs beskou slegs die eiers van ’n steurvis as die ware Jakob. Die viseiers word “gesif” om van die vetterige
weefsel ontslae te raak en liggies gesout. Deesdae is tuna- en salmeiers ook beskikbaar.
Kaviaar is hoogs bederfbaar en moet koud gehou word.
Sit voor in hout-, plastiek- of glashouers. Metaal soos silwer en goedkoper vlekvrye staal sal met die kaviaar reageer en ’n metaalsmaak daaraan gee.
Tradisioneel word dit in perlemoen- of goudbakkies opgedien. Kospuriste glo dat kaviaar slegs met roosterbrood of ongesoute beskuitjies voorgesit moet word. Skink ’n skeutjie vodka daarby.
Suurlemoenskywe, suurroom, crème fraîche, hard gekookte eier en gekapte ui word dikwels saam met hierdie delikatesse voorgesit.
