Vir dekades het mense liefs ’n veiliger keuse gemaak as dit by die mure in hul huis kom, maar neigings in muurpapier verander voortdurend. In 2017 word daar wegbeweeg van ’n minimalistiese voorkoms en sterker ontwerpe en kleure word verkies. Veral geometriese ontwerpe vier hoogty.
Daar is ook ’n neiging na fyner patrone, voëls en dekadente skitter-afwerkings. Die skaal van die ontwerp is meestal groot en word nie meer tot slegs een muur beperk nie. Vloerlyste word dikwels in kontrasterende kleure geverf. Daar is ’n groot terugkeer na donker of helder kleure wat ’n meer kontemporêre gevoel skep. Tog bly pastelle steeds gewild.
Deesdae is muurpapier in enige voorkoms waaraan jy kan dink beskikbaar – van klassiek, neutraal tot Boheems. Dit word ’n kunswerk eerder as ’n muurbedekking.
Digitaal-gedrukte muurpapier is ook baie gewild. Hier is onbeperkte kleurpalette beskikbaar en is daar geen beperking wanneer dit kom by die grootte van die patroon nie. Die resultaat is groot ontwerpe wat ’n unieke effek skep. Sommige plekke soos Smart Art kan jou eie kunswerk in muurpapier omskep.
Verskaffers
Vye Graphics: 021 534 7368/9
Quagga fabrics & wallpapers: fabrics-wallpapers.co.za
Sasi Wallpaper: sasiwallpaper.co.za
Wallpaper Inn: shop.wallpaperinn.co.za
Smart Art: 021 4470872
