Die woord “Terracotta” se oorsprong is van Latyns se terra cocta wat beteken “gebakte aarde”. Hierdie klei-tipe materiaal kom al vir jare saam met tuinmaak en selfs eetware. Dit gee ’n absolute “vanuit-die-aarde” gevoel wanneer dit deel word van jou huis se dekor. Dit skep ook ’n herinnering aan argitektuur, wanneer ’n mens dink aan al die beelde of geboue wat daaruit gemaak is. Terracotta is ’n ongeglansende tekstuur wat ’n growwe bydrae lewer tot dekor.
Die meeste van ons is gewood aan die gewilde Terracotta-potjies wat gebruik word vir kruie of ander plantjies. Die potjies is natuurlik een van die algemeenste gebruike van Terracotta, maar deesdae kan jy selfs die kleur van Terracotta navors en sien dat daar baie meer gebruike na vore kom.
Potte
Met al die waterbeperkings is dit makliker en beter om jou kruie in aparte bakkies in jou kombuisvenster uit te stal. Die Terracotta-potjies is eg en plastiek werk nie in almal se kombuise nie. Om jou kruiepotjies meer modern te laat lyk, kan jy dele daarvan verf. Jy kan selfs wit kant-materiaal gebruik om die boonste randjie te versier. Onthou om te kyk dat die potjies wat jy koop ’n gaatjie het vir goeie dreinering.
Teëls
Die gebruik van teëls is deesdae ook ’n groot gier. Terracotta-teëls is nou ook meer modern omdat dit met patrone versier word. Egte teëls is duurder as viniel, maar wanneer jy ’n klein spasie het, kan jy dit netsowel gebruik. Maak dit ’n fokuspunt. Die gebruike van teëls is ook eindeloos: vloere, ’n bad se raamwerk, mure, stoepe, vensterbanke, en so meer.
5 areas met Terracotta
1. Vloere
Gebruik Terracotta-teëls of bakstene om ’n warm gevoel by jou kaggel-area te skep. Gooi ’n mat oor die teëls/bakstene sodat ’n deel daarvan steeds uitsteek. Die mat dra by tot hitte vanaf die vloer en gee ook kleur indien jy dit wou hê. In die somer kan jy net die mat verwyder vir koeligheid onder jou voete.
2. Badkamer
Hier kan jy ’n raam om jou spieëls versier met teëls of selfs jou bad se hele raamwerk.
3. Mure
Mure kan van onder af boontoe met Terracotta-bakstene bedek word sodat dit ’n fokuspunt is in ’n vertrek (soortgelyk aan die gebruik van muurpapier as fokuspunt). Hier kan jy nou jou handdoeke of skilderye ophang.
4. Stoep
’n Klein stoep kan maklik verweer, maar met die gebruik van growwe bakstene of teëls kan jy dit maklik onderhou en selfs later verf.
5. Vensterbank
’n Vensterbank is soos ’n hangrakkie in jou huis. Veral by jou kombuis sal pragtige patroon-tipe teëls mooi aan die buitekant werk. Sit dan jou potjies aan die binnekant om die kruie te kan gebruik.
Produkte met Terracotta-inspirasie
Lees Meer
