genoeg vir 4
• 250 g pancetta
• 500 g vermicelli
• 4 eiers
• 180 ml room
• 2 knoffelhuisies, fyn gekap
• 30 ml (2 e) truffelolie
• 100 g parmesaankaas, gerasper
1 Voorverhit die oond tot 180 °C. Pak die pancetta op ’n bakplaat en bak vir 7-8 min. of tot bros en goudkleurig. Haal uit en hou eenkant.
2 Kook die pasta vir 8 min. of tot al dente in ’n groot kastrol vol gesoute kookwater. Dreineer die pasta maar hou 125 ml van die pastawater in die kastrol. Hou die pasta eenkant.
3 Klits die eiers en room in ’n maatbeker en geur met sout en swartpeper.
4 Sit die knoffel, pasta, truffelolie en eiermengsel in die kastrol met die pastawater. Roer deurentyd oor lae hitte totdat die sous verdik. Geur met sout en swartpeper.
5 Sit voor met die bros pancetta en parmesaankaas.
Lees Meer
