5 dinge om te onthou wanneer jy ’n swembroek & strandbedekking koop
• Die beste is om iets te kies wat spesifiek vir dié doel gemaak is. Kaftans, sarongs, en so meer wat gemaak is met die doel om bo-oor jou swembroek te dra, is gemaak van dun materiale wat gou droog word as jy dit dra.
• Kies ’n item met materiaal wat dun genoeg is om gou droog te word, maar wat nie deurskyn nie. Anders kon jy dit net sowel los.
• Kies iets wat vleiend vir jou figuur is. Dis nou die tyd om weg te steek wat jou swembroek dalk nie kan nie.
• Onthou: jy wil dalk na jou tydjie op die strand by die winkels stop. Koop iets waarin jy nie ongemaklik of half kaal sal voel nie.
• Swart is wel baie vleiend en die kanse vir deurskyn is minder, maar as jy van plan is om dit vir lang tye op die strand te dra, kan jy dalk warm kry. Kies eerder ’n swart nommertjie met patone van ander kleure.
