Die bekroonde olyf- en wynlandgoed se 7de jaarlikse Favourite Things-Mark word vanjaar op 16, 17 & 18 Desember gehou en is nou al ’n gewilde geleentheid op menige kalender.
Dis net betyds vir daardie laaste, maar belangrikste, Kers-inkopies en vanjaar word hierdie gewilde ‘koop en kuier’ geleentheid op die plaas in familie-besit en -bestuur net buite Botrivier, verleng na ’n drie dag affêre. Hier, slegs ’n uur buite Kaapstad, ontmoet vindingryke ontwerp en heerlike plaaslike kos en uitstekende wyne, mekaar.
Die gewildheid van die geleentheid, veral met die openingsaand, verg nou dat jy vooraf moet bespreek as jy ’n tafel langs die pragtige weerkaatsende visdammetjie wil hê. Toegang vir gaste op al drie aande is steeds gratis, dis net as jy verseker wil wees van sitplek Vrydagaand, wat bespreking noodsaaklik is.
Koop luukse items van alpakkawol; voorste plaaslik-ontwerpte juweliersware; en stylvolle plaaslike- en ingevoerde klere. Asemrowende kwilts sal op uitstalling wees, asook fyn keramiekware en dekoratiewe fynbos. Daar sal handgemaakte speelgoed en -breiwerk wees en ag, sommer vele meer.
Voeg by hierdie wen-resep lekker musiek en kyk hoe die towerkrag jou begeester. Vrydagaand speel die Gypsy Jazz-trio en Saterdag en Sondag sal die Franse trekklavier jou hartsnare roer.
Vir Vrydagaand tafelbesprekings, stuur ’n e-pos na [email protected]. Besprekings moet vir ’n minimum van ses mense wees, wat elkeen ’n kaartjie het van R100 elk. Die kaartjie verseker jou tafel en ’n glas Gabriëlskloof wyn met jou aankoms.
Besoekers wat die Gabriëlskloof Favourite Things-Mark bywoon, word aangemoedig om dit verantwoordelik te doen. ’n Busdiens is van Hermanus beskikbaar teen ’n spesiale tarief van R50pp, per rit. Vir vervoerbesprekings, kontak Andre by [email protected] of Shirley by [email protected].
Lees Meer
