Klim op Aladdin se towermat, want Cherryamber beloof om jou om die wêreld te vat en terug met ’n verskeidenheid van klere, handsakke, juwele, skoene en ‘sommer-net’ geskenke. Die pragwinkel spesialiseer in unieke materiale en style vanaf Indië, Thailand en Europa.
Dit is ’n lekker wegbreek van jou tipiese winkelsentrums en al die helder kleure en teksture skep ’n uitnodigende atmosfeer. Cherryamber is op die oomblik besig om hul vintage-reeks aan te vul om aan almal se style te voldoen. Dis die perfekte stop vir ’n groep vriendinne om saam te koop terwyl julle opvang oor die week se gebeure.
Duncan Yard is geleë by Hatfield in Pretoria en baie naby aan die Gautrein-stasie op die hoek van Jan Shoba (Duncan) en Prospect.
Besoek Duncan Yard vir meer inligting of gaan ‘like’ die Facebook-blad.
