Rozy-Pink
Die Rozy-Pink bracelet initiative is ’n organisasie wat spesiaal fokus op vroue wat daagliks teen kanker moet veg. Die voortdurende projek samel fondse in vir kankerbewustheid, en ook vir ander organisasies wat help met die newe-effekte van terapie op vroue se voorkoms.
Lyk goed
Omdat kanker ’n vrou se energie, aptyt en krag beïnvloed, is die Look Good … Feel Better-program spesifiek ontwerp om kankerpasiënte wat behandeling ondergaan, op ’n praktiese en positiewe manier te help. Die program bied gratis tweeuur-skoonheidswerkswinkels aan by ’n netwerk van hospitale, Onkologie-klinieke en tehuise wat spesifiek ontwerp is om vroue te help met die herstel van hul voorkoms en selfvertroue nadat hulle chemoterapie, bestraling en radioterapie ondergaan het.
Die projek het ontstaan toe Leora Hessen (stigter) aanvanklik die armbandjies gemaak het toe haar skoonsuster ’n breingewas moes laat verwyder. Die familie het begin om elke dag die armbande te dra wanneer hulle haar in die hospitaal besoek het. Vreemdelinge het begin vra waar hulle die armbande kan koop, en so het die projek ontstaan. ’n Somtotaal van R25 000 is binne net drie maande vir liefdadigheid ingesamel.
Besoek http://www.luluaccessories.net/ vir meer inligting.
