The Glass Recycling Company (TGRC), die Suid-Afrikaanse organisasie verantwoordelik vir die bevordering van hergebruikte glas, stel gereeld herwinningsyfers bekend. Die syfers het sedert 2004/2005 met 40% gestyg toe slegs 18% van glashouers wat jaarliks vervaardig word, vir herwinningsdoeleindes gebruik is. Daarom is dit TGRC se doelwit om alle Suid-Afrikaners te oorreed om herwinbare gedragspatrone aan te leer wat sal lei tot beter plaaslike herwinningsyfers.
’n Paar wenke om jou glasherwinningsroetine te vereenvoudig
• Maak ’n lys van al die items in jou huis wat jy gereeld gebruik wat herwinbaar is.
• Plak die lys op jou yskas (soos ’n inkopielys) om elke lid van die gesin daaraan te herinner.
• Plaas ’n ekstra drom langs die gewone asblik en merk dit as die “glasherwinningsdrom.” Wanneer die drom vol is, vat dit na jou naaste glasbank (SMS die woord ‘GLAS’ en jou voorstad na 32310 om vas te stel waar die naaste glasbank is).
• ’n Koolstofsakrekenaar (carbon calculator) kan jou help om te bepaal hoeveel energie jy deur middel van glasherwinning bespaar. Google dit en laai dit op jou rekenaar af.
Interessante feite oor glas en glasherwinning in Suid-Afrika
• Glashouers hoef nie skoon te wees wanneer dit by ’n glasbank afgelaai word nie.
• Kry ’n lys van alle glasbanke by www.theglassrecyclingcompany.co.za gevind word. Bel The Glass Recycling Company by 0861 2 GLASS (45277).
• Altesaam 338 265 ton glas is reeds sedert Julie 2009 in Suid-Afrika herwin terwyl die hoeveelheid glas wat in die laaste vyf jaar herwin is met 120% gestyg het.
• Nuwe glas word uit ’n mengsel van vier hoofbestanddele gemaak: sand, natriumkarbonaat, kalksteen en ander bymiddels soos yster (vir bruin of groen glas) en chroom of kobalt (vir onderskeidelik groen of blou glas).
• Glasherwinning verminder die aanvraag na grondstowwe.
• Vir elke ton herwinbare glas wat gebruik word, word 1.2 ton grondstowwe bewaar.
• Elke kilogram herwinde glas vervang 1.2 kg grondstowwe wat andersins gebruik moes word.
• Glas is heeltemal herwinbaar en kan vir ’n onbepaalde tydperk herwin word sonder om die waarde, suiwerheid en helderheid daarvan te verloor.
• Die energie wat bespaar word wanneer een glasbottel herwin word, veroorsaak 20% minder lugbesoedeling en 50% minder waterbesoedeling as wanneer ’n nuwe bottel van grondstowwe gemaak word.
• Die herwinning van twee glasbottels spaar genoeg energie om water vir vyf koppies tee te kook.
• Die koste van energie daal met 2-3% vir elke 10% herwinbare glas wat in die glasvervaardigingsproses gebruik word.
Lees Meer
