Smeltkoekies

Bestanddele

• 200 g (1 k) suiker
• 220 g (1 k) botter
• 3 eiers
• 500 g (4 k) bruismeel
• klapper om koekies in te rol

Metode

Voorverhit die oond tot 180 °C. Voer ’n bakplaat met bakpapier uit, of spuit met kleefwerende kossproei.

1. Room die suiker en botter saam tot lig en donsig. Voeg die eiers een vir een by. Meng goed voor jy die volgende een bygevoeg.
2. Voeg die bruismeel by en meng goed. Bedek met kleefplastiek en laat oornag rus.
3. Rol die deeg in balletjies met ’n deursnee van sowat 5 cm. Gooi ’n bietjie klapper in ’n bordjie en rol die balletjies daarin.
4. Pak die balletjies op die bakplaat uit en bak vir 15-20 min. Haal uit en laat op ’n draadrakkie afkoel.