Foto’s: Instagram/Demi-Leigh Tebow
Demi-Leigh Tebow (voorheen Nel-Peters) en haar man, Tim Tebow, het Dinsdag groot nuus gedeel: Demi-Leigh is swanger met hul eerste bondeltjie vreugde!
Die voormalige Mej. Suid-Afrika en Mej. Heelal het die nuus met ‘n video van haar en Tim met ‘n string sonarfoto’s in haar hand op sosiale media gedeel. Volgens haar plasing sal Baba Tebow in Junie of Julie by hul gesin aansluit.
View this post on Instagram
Lees ook: Die akteurspaar Mila en Bennie is ouers!
Die nuus is deur die Amerikaanse vermaaktydskrif, People bevestig. Foto’s van die opgewonde egpaar is ook op Instagram gedeel.
“Ons is so opgewonde om ‘n baba saam te hê. Ek is so dankbaar, want ek kon my nie ‘n beter lewensmaat voorstel om die lewe saam mee aan te pak nie,” vertel Demi-Leigh, wat nou 16 weke swanger is, aan People.
View this post on Instagram
Demi-Leigh (29) en haar voormalige Amerikaanse sportster-man woon tans in Jacksonville, Florida in die VSA.
Die glanspaartjie het ontmoet terwyl sy die Mej. Heelal-kroon in 2018 gedra het, het in 2019 verloof geraak en is in Januarie 2020 in Suid-Afrika getroud.
Lees ook: Marciel Hopkins word ‘n mamma +4 ander bekendes wat vanjaar babas verwag!
