Smullekker sopmengsels deur Vickie de Beer. Hooffoto: Johan Wilke

Berei dié staatmakersopmengsels en hou dit as basis in die vrieskas of koskas, voeg later net sopgroente en vleis van jou keuse by vir ’n vinnige, geurige sop.

1. Droë sopmengsel

Dis baie maklik om jou eie droë sopmengsel te maak en op die manier is jy seker dat die bone en lensies vars is.

Ons het ’n pakkie rooi lensies, bruin lensies, droë boerboontjies, suikerboontjies en droë ertjies gebruik. Meng net al die bestanddele, sit dit in mooi glasflesse en skryf die datum op die fles

2. Ingemaakte tamatiesopmengsel

Ingemaakte tamatiesopmengsel

Ingredients

1,2 kg (3 blikkies) heel, geblikte tamaties
1 kg uie, ruweg in blokkies gesny
1 kg seldery, ruweg in blokkies gesny
5 soetrissies, ontpit en in blokkies gesny
5 knoffelhuisies, fyn gekap
1 liter aftreksel van jou keuse, soos hoender of groente
sout en gemaalde swartpeper
30 ml (2 e) suiker

Instructions

Voorverhit die oond tot 100° C.
Verhit al die bestanddele in ’n groot kastrol oor ’n hoë hitte tot dit begin kook.
Verlaag die hitte en laat die mengsel vir nog 20 min. prut tot al die groente sag is.
Maak intussen inmaakflesse drie kwart vol kookwater en sit dit op ’n bakplaat in die oond vir 30 - 40 min.
Gooi die water uit en droog die flesse met ’n skoon kombuisdoek af.
Verwerk die groentemengsel met ’n handmenger of voedselverwerker tot glad.
Skep die sopmengsel in die flesse en draai dit stewig toe. Laat afkoel en gebruik wanneer jy dit nodig kry.

Lees ook: Hoe om jou eie aftreksel te maak

kos winter winterkos recipes maklik en vinnig quick and easy aandetes vir die week dinner