Selena Gomez ontwerp vurige tweestuk om litteken weg te steek deur Zoë Salzwedel. Hoffoto: Chelsea Lauren/Shutterstock/Greatstock
In September 2017 het Selena Gomez in ’n persoonlike plasing op haar Instagram-profiel onthul dat sy “die groothartigste en opofferendste geskenk van lewe” by haar vriendin, Francia Raisa, ontvang het. Dié popmusiek-ikoon het aan haar aanhangers verduidelik waarom sy so lanklaas aktief was op Instagram en onthul dat sy ’n nieroorplanting gehad het weens komplikasies met Lupus.
Lupus is ’n langtermyn-outo-immuunsiekte waarin die liggaam se immuunstelsel hiperaktief word en die normale, gesonde weefsel aanval. Behandeling kan help, maar Lupus kan nie genees word nie.
Selena het in 2015 onthul dat sy met Lupus gediagnoseer is nadat dié outo-immuunsiekte haar niere aangeval het. Selena se nieroorplanting het ’n groot litteken gelaat, en dít het gely tot Theresa se idee om ’n Selena x Krahs Swim-reeks te ontwerp.
Vir meer inligting oor Lupus besoek gerus die Lupus Research Alliance-webwerf op www.lupusresearch.org
Selena se vriendin, Theresa Mingus, vertel dat haar besigheid se handelsmerk, Krahs, die woord “shark” agteruit gespel is – die idee agter dié naam kom van haar vreemde fiksasie met haaie. Theresa wil hê dat mense na Krahs moet kyk as meer as “nét ’n handelsmerk”. Sy wil vir alle vroue die geleentheid skep om gemaklik te voel in hulle eie lyf en met vertroue hulle swemklere te dra. In ’n YouTube-video verduidelik Theresa aan Selena dat die klere wat sy ontwerp vir almal bedoel is, “Ek wil beslis ’n verskeidenheid verskillende stukke hê sodat almal dit kan dra.”
Theresa het vir Selena gevra om drie beperkte uitgawe swemstyle te ontwerp, genaamd Selena x Krahs Swim, wat ’n ‘Selena’ top, ’n ‘Selena’ hoë-onderlyf onderstuk en ’n ‘Selena’ eenstuk insluit – al drie in vurige bloedrooi
View this post on Instagram
Selena het ’n tweestuk met ’n hoë-onderlyf ontwerp om haar litteken weg te steek:
“Ek het ’n nieroorplanting gehad en ek hou van tweestukke wat my litteken bedek en my gemaklik laat voel.” – Selena Gomez
Selena en Theresa ken mekaar reeds 5 jaar lank en het hul sterk band gesmee terwyl Theresa vir ’n kort rukkie as Selena se assistent gewerk het.
Voor die Krahs-bekendstelling het Selena haar vriendin vereer met ’n gelukwensende Instagram-post wat hulde bring aan hul persoonlike en professionele verhouding.
Theresa het ewe goeie woorde gehad en prys haar en Selena se saamwerk-ervaring met ’n reeks foto’s op @krahs waarin Selena al drie ontwerpe van die Selena x Krahs Swim-reeks uit hul versameling gemodelleer het.
Lees Meer
