Skoonheidsdirekteur Jade Smith het onlangs die indrukwekkende Enamel Clinic besoek en een of twee dinge geleer oor hoe om ordentlik na jou mondhigiëne te kyk.
Kom ons kyk na ses minder bekende wenke:
1. Dis baie goed om jou tong skoon te maak.
Jou tong huisves bakterieë en dra by tot ’n asem wat sleg ruik. Belê in ’n tongskraper of gebruik jou tandeborsel om jou tong liggies skoon te maak. Hierdie eenvoudige toevoeging tot jou mondhigiëne maak ’n groot verskil om bakterieë en tandbederf te voorkom.
Lees ook: Die geheim van sagte lippe? Rooibos! Probeer hierdie skrop
2. Vlos. Dis ononderhandelbaar.
Om te vlos is ’n absolute noodsaaklike pilaar van goeie mondhigiëne. Hoewel jy die oppervlakte van jou tande met ’n tandeborsel kan takel, help dit om te vlos om in daardie nou ruimtes tussen jou tande te kom waar plaak en kosstukkies wegkruip. Daaglikse vlos verwyder nie net daardie skuldiges wat wegkruip nie, maar voorkom ook tandvleissiektes en gate wat in jou tande kan vorm. Sodoende sorg jy vir nog baie jare se lewendige glimlag. Vlos, saam met gereeld borsel en tandartsafsprake, verseker ‘n omvattende benadering tot mondhigiëne wat baie belangrik is om jou mond gesond te hou.
3. Kou suikerlose kougom.
Die kou van suikervrye kougom veroorsaak dat speeksel vorm wat help om sure te neutraliseer, jou tande skoon te maak en jou asem vars te hou. Kies kougom wat xylitol bevat – die voordeel is dat dit ook gate in jou tande voorkom.
4. Eet reg vir jou tande.
Sekere kosse help natuurlik om jou tande skoon te hou.
Krakerige, veselagtige vrugte en groente, soos appels, seldery en wortels tree as natuurlike tandeborsels op en skrop plaak en vlekke weg.
5. Moet dit nie oordoen nie.
Hoewel goeie mondhigiëne noodsaaklik is, kan dit jou tand se emalje beskadig as jy jou tande uitermate met korrelrige tandepasta borsel. Borsel saggies en deeglik twee keer per dag vir twee minute met ’n tandeborsel wat sagte hare het. Dit is oor die algemeen heeltemal voldoende. Vermy ook om jou tande dadelik te borsel nadat jy suur kosse of drankies ingeneem het, want dit kan ook jou tande beskadig.
6. Drink genoeg water om speeksel te vorm.
Een van die aspekte van mondhigiëne wat die meeste oor die hoof gesien word, is hidrasie. Drink deur die dag water om speeksel te vorm, wat as natuurlike skoonmaker vir jou tande en tandvleis dien. Dit help ook om ’n gebalanseerde pH in jou mond te handhaaf.
Deur hierdie minder bekende wenke in jou mondhigiëne-roetine in te sluit, kan jy ’n groot verskil in die algehele gesondheid van jou mond maak. Onthou: ’n Mooi glimlag gaan nie net oor skoonheid nie; dit is ’n weerspieëling van jou algehele welstand. Probeer gerus hierdie wenke. Jou tande en mondvleis sal jou daarvoor bedank.
Lees ook: Raad vir mond-en keelseertjies
Waarom is die Enamel Clinic ’n goeie keuse?
Die Enamel Clinic, wat in Kaapstad geleë is, staan uit as ‘n toptandheelkundige instelling wat hul pasiënte se ervaring voorop stel. Dit is gestig en word bestuur deur die ervare en professionele dr. Mark Bowes en prof. Howard Gluckman, en die kliniek volg ’n multidissiplinêre benadering deur van die nuutste tegnologie gebruik te maak en hulself tot die gemak van hul pasiënte te verbind. Die kliniek bied ’n spa-agtige atmosfeer met musiek, gegeurde kerse, masserings, komberse, en meer. Die Enamel Clinic lê klem op die minste moontlike indringende tandheelkunde en tandbewaring, veral met behulp van die bekendstelling van Digital Smile Design (DSD) vir gesiggedrewe beplanning en optimale resultate. Buiten hul baanbrekerstegnologie het die kliniek internasionale erkenning vir die gebou se ontwerp ontvang en hulle is aktief betrokke by verskeie liefdadigheidsinisiatiewe. Enamel Clinic se kernfilosofie draai rondom funksie, estetika en biologie, die lewering van luukse tandheelkundige sorg in ’n rustige omgewing en dit dek ’n wye reeks tandheelkundige dienste.
Om ’n afspraak by Enamel Clinic te maak, stuur ’n e-pos na [email protected] of skakel +27 21 418 2048.
Lees ook: Hoekom jy elke dag jou tande moet vlos
Lees Meer
