5 dinge wat jy kan doen om ouerskap en studies te balanseer. Inligting verskaf deur Tammy Oppenheim van The Independent Institute of Education.
Studie en ouerskap
Dis moeilik genoeg om ’n voltydse student te wees, maar as jy ’n gesin en beroep met verdere studie probeer versoen, kan dit voel of jy geblinddoek deur ’n doolhof hardloop.
1 Maak seker jou behoeftes word in ag geneem
Kies ’n akademiese instelling wat jou behoeftes in ag neem. Oorweeg iets soos afstandonderrig en deeltydse studie. Lesings oor die naweek of aanlyn is ook ’n groot hulp. Kleiner instellings is soms meer plooibaar en bied dikwels individuele ondersteuning.
2 Kry hulp met die kinders en verantwoordelikhede
Maak seker jy het ’n noodplan vir die versorging van jou kinders wanneer jy byvoorbeeld vir eksamens leer, ’n taak moet voltooi, of eksamen skryf.
3 Praat met jou kinders daaroor
Wees eerlik met jou kinders sodat hulle verstaan hoekom jy nie altyd beskikbaar is nie. Verduidelik die langtermynvoordele van verdere studie.
4 Beplanning, beplanning, beplanning
As jy heeldag soos ’n hamster op ’n wiel hardloop om almal gelukkig te hou gaan jy nie oorleef nie. Beplan jou tyd versigtig en gee dan toegewyde aandag aan daardie afdeling.
5 Waak teen isolasie
Verdere studie kan jou oorweldig en isoleer. Kry morele ondersteuning by ander ouers in jou studiegroep wat jou situasie verstaan en dalk goeie raad kan gee. Soms het jy net ’n geduldige oor nodig om jou moed te gee.
Lees Meer
