Ons hou van: Subskripsiebokse om mee te kook! deur Vickie de Beer en Catherine Schenck. Hooffoto: Lindy Kriek
UCook
Suzelle Kook!
UCooken Suzelle DIY het vandeesmaand saamgespan om ’n reeks smullekker en blitsvinnige aandetes aan te bied. Kies uit smulgeregte soos bobotie-balletjies met klewerige Jasmynrys en brokkolie, tamatie-sop met tiemie en feta-rösti en Suzelle se eie hoenderkerrie met poppadums.
rooi rose lesers kry boonop 30% afslag op enige aankope van Suzelle DIY se UCOOK reeks: Gebruik hierdie kode wanneer jy die aanlyn bestelling plaas by www.ucook.co.za: #ROOIROSE30
Foto: Verskaf
Die resepte is maklik om te volg en is binne 30 min. op die tafel. Ek het Suzelle se lamsvleis-en-mielie-salsa met ’n geurige Tabbouleh op die proef gestel.
Al die bestanddele is in ’n gerieflike bruin kardoes by ons afgelewer. Alles is klaar in porsies verdeel en is duidelik gemerk, so ons kon blitsvinnig aan die werk spring.
Foto: Lindy Kriek
Meng die bulgur en appelkose saam en laat dit week in 800ml water tot al die vog geabsorbeer is.
Foto: Lindy Kriek
Maak ’n vinnige pekel met die uie en suurlemoensap. Dit was nogal ’n oulike idee want rou uie kan nogal skerp smaak in ’n slaai. Op dié manier is die uie sag en soet.
Foto: Lindy Kriek
Sny die tamaties in die helfte en braai vinnig in ’n pan tot dit begin oopbars.
Foto: Lindy Kriek
Die resep het gevra om die mielies onder die rooster van die oond te skroei. Ek het dit makliker gevind in ’n roosterpan.
Foto: Lindy Kriek
Die lamsvleis word eers in die pan verbruin, dan in foelie toegedraai en dan vinnig vir ’n paar minute in die oond gebak. Dit het perfek pienk uitgekom.
Al die bestanddele vir die tabbouleh word saamgemeng. Dit was nogal baie en was beslis genoeg vir ’n gesin van 4.
Foto: Lindy Kriek
Ons het heerlik gesmul aan die gereg én daar was bietjie oorskiet vir middagete die volgende dag!
Foto: Lindy Kriek
Loer gerus ook op hul webblad vir meer inligting: www.ucook.co.za en gesels saam op Instagram en facebook en gebruik die hutsmerke #UCOOKDIY #SuzelleXUCOOK
The Daily Dish
Kry jou hele week se kos afgelewer op een slag! Hierdie subskripsiebokse bevat vars bestanddele plus resepte waarmee jy jou etes vir die week kan maak. The Daily Dish laat jou ook toe om volgens jou dieet te bestel: Daar is byvoorbeeld vegetariese-, Banting- en varkvleisvrye bokse.
Klik hier om hul webblad te besoek
Harvest Box
Harvest Box lewer weekliks vars bestanddele met resepte by jou huis af. Hierdie bokse bevat genoeg bestanddele en resepte vir 3 aandetes.
Klik hier om hul webblad te besoek
Drankies
The Gin Box
Gin junkies sal juig! The Gin Box fokus op plaaslike “craft”-jenewers en lewer maandeliks of na jou keuse ’n boks met ’n bottel jenewer, garnerings en snoephappies af wat perfek by jou maand se jenewer sal pas.
Vanaf R650 per maand, of R7 200 om vir ’n jaar in te teken: Besoek gerus hul webblad vir meer inligting
Wine of the Month: Wine Club
Wine of the Month het ’n paneel wynkenners wat elke maand hul gunstelinge deel. Jy kan lid word van een van vier Wine Clubs , wat jou dan sal toelaat om dié maand se wyne self te proe!
Yuppiechef: League of Beers, Monthly Wine Mixed Case en FOMObox
Yuppiechef het drie opwindende bokse waarvoor jy kan inteken na gelang van jou smaak: bierliefhebbers kry maandeliks iets van League of Beers, Wynfanatici kan die Monthly Wine Mixed Case kry, en die FOMObox is vir foodies wat nie ’n nuwe smaak of produk op die mark wil misloop nie.
Warm drankies
The Bean Box Club
By The Bean Box Club kry jy maandelikse aflewerings van heerlike koffies, en jy kan selfs kies hoe dit by jou moet aankom: fyngemaal of heel bone. Jy kan ook vir jou kantoor inteken, as jou werksplek ’n klomp koffiedrinkers bevat …
Pause Coffee
Pause Coffee bied elke twee weke of elke maand ’n boks met heerlike, eties verboude koffies wat by jou voordeur afgelaai word. Jy kan ook kies of die bone gemaal of heel by jou moet aankom, wat beteken dat jy nooit weer per ongeluk sonder koffie by die huis sal sit nie …
Besoek hul webblad om meer uit te vind
Tealyst
Die Tealyst Tea Boxes is die ideale subskripsieboks vir diegene wat van meer as net ’n koppie gewone tee hou. Jy kry ’n verskeidenheid spesialiteitstees plus oulike teebykomstighede.
Resepte
Teken in op rooi rose, want ons deel elke maand die lekkerste resepte wat wérk!
Loer ook na ons heerlike resepte aanlyn
Lees Meer
