Genoeg vir 4
4 groot lemoene, geskil en in segmente verdeel
400 g fetakaas
’n groot hand vol bronkors (watercress) of ’n hand vol roketblare
Geroosterde heuningamandels
45 ml (3 e) botter
150 g (1½ pakkies) gevlokte amandels
45 ml (3 e) heuning
Basiese slaaisous
Genoeg vir 125 ml (½ k)
80 ml (1/3 k) olyfolie
30 ml (2 e) witwynasyn
1 knoffelhuisie, gekneus en fyn gekap
5 ml (1 t) Dijon-mosterd
’n hand vol gekapte pietersielie, grasuie en tiemie
sout en swartpeper
1 Smeer ’n bakplaat liggies met olie. Smelt die botter vir die amandels in ’n kastrolletjie oor matige hitte. Roer die amandels by en kook vir 1 – 2 min. of tot die amandels verkleur.
2 Roer die heuning en sout by en kook vir nog 2 – 3 min., of tot die amandels goudkleurig is en die heuning gekaramelliseer het.
3 Sit die neute eweredig op die gesmeerde bakplaat. Laat afkoel en breek in kleiner stukkies.
4 Klits die bestanddele vir die basiese slaaisous saam en geur volgens smaak.
5 Sit die lemoensegmente, fetakaas en slaaiblare in ’n mengbak en giet van die slaaisous oor.
6 Verdeel die slaai tussen 4 borde, strooi die amandelstukkies oor en sit dadelik voor.
Lees Meer
