Om vorentoe of agtertoe te kyk deur Margaret Gardiner. Foto’s: Margaret Gardiner.
Ek is nie die soort mens wat heeltyd agtertoe kyk nie. Die verlede is belangrik en gevul met ervaring waaruit ons kan leer, maar die toekoms word bepaal deur wat ons vandag doen.
Ek het meer dae wat agter my lê as dae wat voor my uitstrek. Waarom sou ek dus tyd mors deur agtertoe te kyk?
Vorentoe: Wat is daar wat vir my voorlê? Wat sal ek maak met wat nou tot my beskikking is? Hoe sal ek elke dag aanpak? Hoe sal ek daarvoor dankie sê? Hoe sal ek lag en ligtheid uitstraal?
Lees ook: Margaret – “my jaar in oënskou”
Augustus was my verjaarsdagmaand.
Om sestig te word is dieselfde soort verjaarsdag soos om 25 te word. Vir sommige mense ‘n soort waterskeidings-oomblik.
Vir my is verjaarsdae nie so belangrik nie. Ek sien hulle nie as deurslaggewend nie. Ek vier hulle ook nie. Dis maar net nog ‘n dag.
Lees ook: Ons het almal ’n helpende hand nodig
My vriende en familie vind dit nogal vreemd. Gewoonlik is daar ook druk op my om ‘n viering te reël. Vriende wil bymekaar kom vir middagete of aandete. Ek hou wel van gelukwense. Positiwiteit.
Robert Downey Jnr som dit vir my op. In plaas van blomme op ’n spesiale geleentheid, wat daarvan as jy eerder elke dag jou liefde wys?
Dis ‘n gedagte wat my trek.
Wees gaaf, wees vrygewig. Vier dit wat positief is. Kyk uit vir wat mooi is.
Lees ook: Margaret se Wêreld: Verwagtinge
om vorentoe of agtertoe te kyk
Moenie jou bekommer oor hoe jy lyk nie, vind eerder die skoonheid in die oomblik en leef dit uit.
Dit gaan nie daaroor dat ek skaam is vir my ouderdom nie.
Ek basuin dit uit. Iemand op facebook het opgemerk dat ek soos ‘n 25-jarige wil lyk. Beslis nie. Dis eerstens so ver verwyderd van waar ek nou is dat ek dit nie eens kan onthou nie. Ek was in Washington. Ek het gedink dat dit die einde was van iets. Al wat ek eintlik daarvan kan onthou is die glimlagte en die gelag.
Lees ook: Die dinge wat mense soms kwytraak …
Dis wat my rigting vandag nog bepaal. Dis wat konstant is. As ek terugkyk besef ek dat daar soveel dinge was wat my toe uitmekaar geskeur het, wat ek eintlik as bepalend kon gesien het, en wat my lewe sou kon rig.
Mandela het gesê: Moenie my op my suksesse beoordeel nie. Beoordeel my op grond van hoeveel keer ek geval het en weer opgestaan het.
As ek my lewe in oënskou neem sou ek nogal kon sê ek hét opgestaan en weer probeer.
Ek het dikwels gefaal. Ek het gefaal al het ek alles reg gedoen om sukses te behaal. Soms het ek sukses behaal al het ek nie regtig veel ingesit nie.
Ek het in genade gewandel. God was goed vir my.
Die mure om my het my in trane op die vloer gelaat, stilweg, alleen.
Maar.
Met my gesig opgeswel van die trane het ek nog altyd weer my trane afgevee.
Op my tande gebyt.
En weer probeer.
Lees ook: Ons het almal “bad hair days“
om vorentoe of agtertoe te kyk
Volg gerus Margaret se blog vir rooi rose waar sy ons vertel oor haar interessante en besige lewe. Jy kan haar ook volg op Instagram, facebook, twitter en haar YouTube-kanaal waar sy met bekendes gesels – dis als gratis om haar te volg.
Lees Meer
