Franse groenbone met geroosterde tamatieslaai

Ingredients

• 200 g kersietamaties
• 30 ml olyfolie
• 5 ml Maldon-sout
• 500 g Franse groenbone, stingelpunte afgesny
• 250 g sagte mozzarella
• ’n groot hand vol roketblare
Slaaisous
• 125 ml (½ k) olyfolie
• 45 ml (3 e) balsemiekasyn
• 5 ml (1 t) heuning
• 5 ml (1 t) korrelmosterd
• knypie sout

Instructions

1 Voorverhit die oond tot 200 °C.
2 Sit die tamaties op ’n bakplaat, sprinkel olyfolie oor en geur met sout.
3 Rooster vir 15 min. tot die skille oopbars.
4 Blansjeer die boontjies tot net sag (sowat 5 min.) in gesoute, kokende water.
5 Dreineer en spoel onder lopende, koue water af.
6 Meng al die slaaisousbestanddele en hou eenkant.
7 Sit die roketblare en boontjies op ’n opdienbord.
8 Pak die warm tamaties bo-op en skeur die mozzarella bo-oor.
9 Sit met die slaaisous voor.

groenbone tamatieslaai slaai Tamaties kaas boontjies

Rooi Rose

Lees Meer

Rooibostee-en-jogurt-koek

22/04/2024

Tradisionele groenbone met aartappel

15/04/2024

Maklike pasta en sous

12/03/2024