Jammer dat jy haar troupêrels op ouderdom van twee afgeruk het en dat pappa vergeet het om dit te vervang. Jammer dat jy somtyds ongeduldig is en dink sy is daar om die lewe vir jou makliker te maak. En baie dankie,dat sy wel jou lewe makliker maak, al is dit net om te luister hoe kwaad manlief jou maak. Hoe sê mens dankie vir jou? Ek dink die antwoord lê in handgemaakte geskenkies. Geskenkies wat meer tyd en beplanning verg as geld. In ietsie wat sê: ” Ek het hieroor gedink, want jy is belangrik vir my”.
Ek is ‘n prentjie-mens. Ek glo daarin om oomblikke op film vas te vang.
Daarom dan ook die rede hoekom ek besluit het op ‘n familie-foto. Wat kan meer kosbaar wees as ’n foto saam geliefdes? Baie min van ons het onlangse familie-foto’s. Meestal word hierdie foto’s mos maar geneem op troues en begrafnisse (hoekom op begrafnisse sal ek nie weet nie). Vanjaar is bietjie anders vir ons gesin – ouboet gaan volgende jaar varsity toe en vet weet hoe hy gaan lyk as student. Ek kan nie takbokhare en harde baarde op my foto’s hê nie. Nee, ons sal moet foto’s neem voor daardie omwendeling. Meeste tannies vertel my hulle word eers weer skaflik op 25 en teen daardie tyd kort ek botox vir al die frons.
So kom ek af op Shalane-Maré Wedding & Lifestyle Photographer. En ek raak verlief op elke liewe foto in die katalogus. Daar is die pragtigste foto’s van newborns en troues en families. Haar aanvoeling is ongelooflik. Net daar en dan sê ek haar – ons moet die wêreld hiervan vertel want, hierdie is juwele vir die siel. Help my ander gelukkig maak die Moedersdag, knipoog ek vir haar.
So een gelukkig leser kan ‘n familie-fotosessie wen ter waarde van R650.00 om hulle familie op film vas te vang – net betyds vir Moedersdag. Al wat jy hoef te doen, is om haar facebook bladsy te gaan like en by die kompetisie post vir ons te vertel hoekom jou ma spesiaal is. Doen dit sommer nou.
In tussen tyd roep ek julle vaarwel tot volgende week.
Michelle
