Hoe om dubbelwaarde uit jou oogtoets te kry

Hoe om dubbelwaarde uit jou oogtoets te kry deur Salomé Delport. Foto’s: pexels

Jy gaan vanaf veertig elke jaar vir ’n oogtoets sodat die optometris jou oë kan monitor vir gloukoom, katarakte en makulêre degenerasie – en natuurlik ook om seker te maak of jy ’n nuwe bril of kontaklense nodig het, as jou sig nou nie meer 20/20 is nie.

Jy kan selfs meer uit jou oogtoets kry, want as jy die oogkundige vra kan hy jou ook terugvoer gee of hy in jou oë tekens van ander kwale opmerk.

Wat as hy dink iets skort?

Execuspecs sê ’n oogkundige kan jou nie behandel of medikasie hiervoor voorskryf nie maar as hy enige van die kenmerkende vroeë waarskuwingstekens in jou oog optel, kan hy kan jou inlig. Maak beslis ’n afspraak by die toepaslike dokter vir ’n diepte-evaluering en finale diagnose.

Hoe om dubbelwaarde uit jou oogtoets te kry

Ander kwale wat ’n oogtoets optel

Hier is die lys van kwale wat oogkundiges kan identifiseer:

Diabetes

Diabetes beskadig die kleinste aartjies eerste – soos die aartjies op die retina van die oog. ’n Oogtoets evalueer die retina, en sal verdagte aarskade uitwys.

Lees ook: Is diabetes dalk jou voorland?

Hoë bloeddruk

Dit wys dikwels diep in die oog op as aarskade.

Lees ook: Hoe gereeld moet ek my bloeddruk meet as ek gesond is?

7 maklike maniere om jou bloeddruk te verlaag

Rumatoïede artritis

Een van die eerste tekens van hierdie outo-immuunsiekte is dowwe sig, krapperigheid in die oë en droë oë. Dit kan ook ‘n teken van ‘n allergie wees.

Ekstra: 2 wenke vir jou oogtoets

Sit ’n uur opsy daarvoor – nie net 10-20 minute soos ’n tipiese doktersafspraak nie.
As jy aan ’n chroniese toestand ly, vertel die oogkundige, omdat baie toestande jou sig kan beïnvloed. As hy weet wat jy makeer, kan hy seker maak dat jou sig so goed moontlik behoue bly.

Lees ook: 15 tekens wat aandui dat jou kind ’n sigprobleem het