Harissa lam met vrugtige koeskoes

Serves: 4 Nutrition facts: 200 calories 20 grams fat

Ingredients

80 ml (1⁄3 k) Bulgaarse jogurt
15 ml (1 e) harissa
8 lamstjops
Koeskoes
250 ml (1 k) koeskoes
50 g (½ pakkie) gedroogde rooi bosbessies
3 ml (½ t) gemengde speserye
5 ml (1 t) gekapte brandrissies
250 ml (1 k) droë-appelkose, gekap
fyn gerasperde skil en sap van 1 lemoen
fyn gerasperde skil en sap van 1 suurlemoen
30 ml (2 e) rooiwyn-asyn
250 ml (1 k) kookwater
15 ml (1 e) heuning
60 ml (¼ k) olyf- of avokado-olie
125 ml (½ k) gemengde neute (soos gevlokte amandels, pistasieneute en dennepitte)
4 sprietuie, oorlangs gesny
½ komkommer, sade uitgeskraap en in 1 cm-blokke gesny
pietersielie-, basilie-kruid- en kruisementblare – ’n hand vol van elk
sout en gemaalde swartpeper

Instructions

1 Meng die jogurt en harissa en marineer die lamstjops vir minstens 30 min. daarin.
2 Koeskoes: Sit die koeskoes, rooi bosbessies en gemengde speserye in ’n mengbak.
3 Bring die rissies, appelkose, lemoen- en suurlemoensap en -skil, rooiwynasyn, kookwater, heuning en olie tot kookpunt in ’n klein kastrol. Gooi oor die koeskoes en bedek met kleefplastiek. Stoom vir 5 min.
4 Krap die koeskoes met ’n vurk los en meng die neute, sprietuie, komkommer en kruie deur. Geur na smaak. Hou eenkant.
5 Voorverhit die oond tot 200 °C.
6 Verhit ’n riffelpan oor hoë hitte. Skraap die meeste marinade van die tjops af en braai tot goudbruin aan albei kante. Geur na smaak. Sit in ’n oondpan en bak vir 8 min. of tot gaar na smaak.
7 Sit die tjops met die koeskoes voor.