Resep deur Vickie de Beer. Foto Lee Schwagele van crphotographic.co.za
Genoeg vir 2 as ’n vinnige aandete
• 4 repies spek
• 3 eiers
• ¾ k (185 ml) melk
• ¾ k (80 g) koekmeel
• ½ t (2,5 ml) sout
• 2 e (30 ml) botter
• 1 e (15 ml) olyfolie
• 1 t (5 ml) knoffel
• 1 e (15 ml) vars tiemie, van die takkies gestroop
• 125 g bruin sampioene
• 125 g eksotiese sampioene
• ½ k (125 ml) crème fraîche
1 Verhit die oond tot 180 ˚C.
2 Verhit die olie in ’n pan oor matige hitte en braai die knoffel en tiemie vir 2 min. daarin. Voeg die sampioene by en braai tot goudkleurig en gaar. Trek van die hitte af en hou eenkant.
3 Sit die spekrepies op ’n bakplaat en bak vir 7-10 min. tot gaar en bros.
4 Verhoog die oondtemperatuur tot 200 ˚C en sit ’n oondvaste pan met ’n deursnee van 20 cm in die oond om warm te word.
5 Sit die eiers, melk, meel, sout en 1 e (15 ml) botter in ’n voedselverwerker en verwerk vir 2 min. of tot glad. Hou eenkant.
6 Haal die verhitte pan versigtig uit die oond. Sit die res van die botter in die pan en versprei eweredig met ’n sirkelbeweging. Gooi die beslag in die pan.
7 Bak vir 18-20 min. of tot opgepof en goudbruin.
8 Sit met die gebraaide sampioene, crème fraîche en bros spekrepe voor.
Lees Meer
