The Revenant
Waarom die bohaai?
Baie fliekgangers sien dié rolprent as die goue geleentheid wat aan Leonardo DiCaprio sy eerste Oscar sal lewer. Dit vertel die storie van Hugh Glass (DiCaprio), wat vir sy lewe veg nadat hy deur ’n beer aangeval is en deur sy kamerade vir dood agtergelaat is. Sy briljante toneelspel maak DiCaprio ’n sterk mededinger vir die Beste Akteur-toekenning terwyl die rolprent moontlik ook met die pryse vir Beste Rolprent en Beste Regisseur kan wegstap.
Steve Jobs
Waarom die bohaai?
Dié tweede vertelling van die Apple-genie, Steve Jobs, se lewe blyk vanaf die intreeslag sy voorganger te oortref. Bekende gesigte soos Michael Fassbender (as Jobs) en Kate Winslet in die rol van sy kollega, Joanna Hoffman, maak beslis van dié rolprent ‘n merkwaardige nominasie in verskeie kategorieë. Ons is veral opgewonde om die uitspraak oor Winslet se nominasie as Beste Aktrise in ’n Ondersteunde Rol te hoor!
The Big Short
Waarom die bohaai?
Hierdie rolprent is sedert sy debut op die silwerdoek op almal se lippe. Hoewel dit op die oog af as ’n stywe affêre mag voorkom, is dit egter propvol humor, sjarme en briljante toneelspel. Boonop is die rolverdeling iets vir die oog met akteurs soos Brad Pitt, Christian Bale en Ryan Gosling wat van die hoofrolle vertolk.
*Die Oscars vind Sondag, 28 Februarie, plaas!
Lees Meer
