Beetslaai met bokmelkkaas

Koop sommer klaargaar beetkwarte by Woolies of Checkers.

Genoeg vir 4

’n hand vol roket en bronkors (watercress) gemeng
400 g (1 pak) gaar beetkwarte in vinaigrette (by Woolies of Checkers of koop gebottelde beet)
2 x 100 g-rolletjies bokmelkkaas met swartpeper
1 middelslag- rooi ui, in fyn ringe gesny
30 ml (2 e) olyfolie
30 ml (2 e) balsemiekasyn + ekstra vir opdiening

1 Pak die roket en bronkors uit op ’n mooi opdienbord.
2 Sit die beet op die blare. Sny die bokmelkkaas in sirkeltjies en pak dit tussen die beet.
3 Pak die uieringe oor die slaai en sprinkel die olyfolie en balsemiekasyn oor.
4 Meng net voor ete deur en sit met ekstra balsemiekasyn voor.

Nog idees
Die beetslaai werk net so goed met fetakaas of bolletjies sygladde mozzarella.